Tekst: Marianne Elle

Laurdag var det mellom 500 og 600 menneske samla i hallen. Det vart fullt nede i salen, og me måtte finne fram fleire stolar. Til slutt måtte også tribunen takast i bruk. Det var flott å sjå så mange menneske samla til song, musikk og fellesskap.

Gjennom helga fekk me oppleve nydeleg song og musikk frå Rett Kurs og fleire andre songarar og musikarar. Det vart også godt fellesskap og flotte ord frå Bibelen. I tillegg var det matsal, loddsal og stand med informasjon om arbeidet. Helga gav eit overskot på rundt 230 000 kroner, som går direkte til arbeidet i India. Det er me svært takksame for. 

Ei stor og hjarteleg takk til alle som kom, alle som bidrog, og alle som på ulike måtar var med på å gjere denne minnerike helga mogleg!